Тазалық — әрбір адамның мәдениеттілігінің, жауапкершілігінің және қоршаған ортаға деген құрметінің көрінісі. Бұл ұғым ең алдымен өз үйіміздің табалдырығынан бастау алады. Үй ішінің таза болуы, аула мен көшенің жинақылығы – қоғамның, қала берді, ұлттың ұқыптылығын көрсетеді.

Бүгінгі таңда экологиялық мәселелер мен санитарлық талаптардың маңызы арта түсуде. Сондықтан әр адам тазалықты өзінен бастауы тиіс. Қоқысты дұрыс тастау, айналаны ластамау, көршілерге құрметпен қарау — бұның бәрі қарапайым әрекеттер болғанымен, үлкен мәдениетті қалыптастырады.

"Тазалық табалдырықтан басталады" деген сөз — тек үй ішін ғана емес, жүрек тазалығы мен ниет тазалығына да қатысты. Таза қоғам – саналы азаматтардан құралады.